پشاور، 16جون(اے پی پی): کرونا کے بڑھتے ہوئے وار کو روکنے کیلئے پشاور کے چار علاقوں میں سمارٹ لاک ڈاون کا آغاز ہوتے ہی ضلعی انتظامیہ اور پولیس لاک ڈاؤن کے مکمل نفاذ کو یقینی بنانے میں مصروف عمل ہوگئی ہے۔

اس سلسلے میں چیف سیکرٹری کاظم نیاز نے آج حیات آباد کا دورہ کیا اور حیات آباد میں سمارٹ لاک ڈاؤن کے علاقوں کا جائزہ لیا۔

اس موقع پر ایس ایس پی آپریشنز ظہور بابر آفریدی اور ڈپٹی کمشنر پشاور علی اصغر سمیت عسکری حکام بھی ان کے ہمراہ تھے، جہاں ایس ایس پی آپریشنز نے ان کو سکیورٹی انتظامات کے حوالے سے آگاہ کیا اور متعلقہ علاقوں میں کاروباری سرگرمیوں کو ترک کرنے کے حوالے سے بھی چیف سیکرٹری کو بتایا گیا۔

ALSO READ  6 million people of Hazara division would get the benefits of SCP: Mushtaq Ghani

اس موقع پر چیف کمشنر اور ایس ایس پی آپریشن نے ان علاقوں میں تعینات پولیس اہلکاروں کو سختی سے ہدایات جاری کیں کہ مذکورہ علاقے میں ان آوٹ انٹری بند رکھی جائے اور مساجد میں صرف پانچ افراد کو باجماعت نماز ادائیگی کی اجازت دی جائے۔

وی این ایس ، پشاور