ملتان،16جون(اے پی پی): ڈپٹی کمشنر عامر خٹک سے پرووائس چانسلر نشتر میڈیکل یونیورسٹی پروفیسر ڈاکٹر احمداعجاز مسعود نے منگل کو یہاں ملاقات کی، ملاقات  میں میگا پراجیکٹ نشترٹو اور نشتر ہسپتال میں کینسر سنٹر اور فارمیسی بلاک کے منصوبوں پر پیش رفت کے سلسلے میں تفصیلی  گفتگو ہوئی ۔

ڈپٹی کمشنر عامر خٹک نے کہا کہ نشتر ٹو کا منصوبہ صحت کے شعبے میں جنوبی پنجاب کا سب بڑا پراجیکٹ ہےاس منصوبے کی بلڈنگ اور مشینری پر تقریباً 10ارب روپے لاگت آئے گی، منصوبے کے بلڈنگ سٹرکچر پر 4ارب90 کروڑ روپے خرچ ہونگے۔

انہوں نے کہا کہ نشتر ٹوپراجیکٹ  پر83کروڑ34 لاکھ روپے خرچ کئے جا چکے ہیں جبکہ نئے بجٹ میں نشترٹو کے لئے1 ارب روپے مختص کئے جارہے ہیں۔

ALSO READ  CDWP approves 4 projects worth Rs 16.02 bn, recommends one project worth Rs 37.91 bn to ECNEC

ڈپٹی کمشنر نے کہا کہ نشترٹو پورے جنوبی پنجاب کی عوام کو صحت کی سہولیات فراہم کرے گا۔انہوں نے کہا کہ حکومت مستقبل میں کسی بھی ناگہانی صورتحال سے نمٹنے کے لئے صحت کے شعبے کی استعداد بڑھانا چاہتی ہے اور صحت کے شعبے میں پرائمری اور سیکنڈری سٹرکچر کو مضبوط بنانا وقت کی ضرورت ہے۔

پرو  وی سی نشتر میڈیکل یونیورسٹی پروفیسر ڈاکٹراحمداعجاز مسعود نے اس موقع پر بتایا کہ کینسر سنٹر کی تعمیر آخری مراحل میں ہے۔

کینسر سنٹر پر13 کروڑ90 لاکھ روپے لاگت آئی ہے،نشتر ہسپتال کے فارمیسی بلاک پر کام جاری ہے،چار منزلہ فارمیسی بلاک پر39 کروڑ60 لاکھ روپے خرچ کئے جارہے ہیں جبکہ فارمیسی بلاک ساڑھے چھ کنال رقبہ پر تعمیر کیا جارہا ہے۔

ALSO READ  CDWP approves 4 projects worth Rs 16.02 bn, recommends one project worth Rs 37.91 bn to ECNEC

وی این ایس،ملتان