پشاور، 8جون(اے پی پی): ڈی جی ریسکیو 1122 ڈاکٹر خطیر احمد نے کہا ہے کہ صوبائی حکومت کے احکامات پر ریسکیو1122 نے ائیرپورٹ پر ایمبولینسز فراہم کردی ہیں تاکہ بیرون ملک سے پاکستان آنیوالے جسد خاکیوں کو انکے گھروں کو منتقل کرنے میں آسانی ہو۔

ڈاکٹر خطیر احمد نے کہا کہ پشاور کے باچا خان ائیرپورٹ پر بیرون ممالک میں خیبرپختونخوا سے تعلق رکھنے والے کرونا سے جان بحق افراد کے پشاور آنے والے جسد خاکی کو ان کے آبائی گاؤں کو ریسکیو 1122 کی گاڑیوں میں منتقل کیا جارہا ہے اور آج بھی دوبئی سے آنے والے مردان کے رہائشی کا جسد خاکی روانہ کردیا گیا ہے۔

ALSO READ  WB provides $12 million grant for FATA’s, displaced families

انہوں نے کہا کہ ریسکیو1122 جاں بحق افراد کے جسد خاکی کو صوبے کے مختلف علاقوں میں لواحقین کے گھروں تک پہنچائے گی جس کیلئے ائیرپورٹ انتظامیہ اور ریسکیو1122 باہمی تعاون سے سہولیات فراہم کریں گی۔

وی این ایس، پشاور