بورے والا، 8 جون ( اے پی پی): بورے والا میں کورونا ٹائیگر فورس کے جوان کورونا وائرس کے خلاف میدان میں آگئے ہیں، قومی شاہراہوں پر شہریوں میں فیس ماسک کی تقسیم اور آگاہی مہم کا آغاز کردیا۔وزیر اعظم عمران خان کی ہدایت پر بنائی گئی کورونا ٹائیگر فورس بورے والا کے رضاکاروں نے کورونا وائرس کے خلاف باقاعدہ آگاہی مہم کا آغاز کردیا ہے۔ ٹائیگر فورس کے درجنوں رضاکاروں نے سخت گرمی اور دھوپ کی پرواہ کئے بغیر شہر کی مختلف شاہراہوں پر کھڑے ہوکر وہاں سے گزرنے والے راہگیروں کو کورونا سے بچاؤ کی احتیاطی تدابیر بارے آگاہی دینے کے علاوہ ان میں فیس ماسک بھی تقسیم کئے اور انہوں نے شہریوں کو فیس ماسک کی افادیت بارے بھی آگاہی دی ۔ٹائیگر فورس کے جوانوں کی اس آگاہی مہم کو شہریوں خوش آئند قرار دیتے ہوئے انکی ان رضاکارانہ خدمات کو خراج تحسین پیش کیا

ALSO READ  Khusro witnesses worth $19.85 million Projects with World Bank

جبکہ ٹائیگر فورس کے جوانوں نے اس عزم کا اظہار کیا کہ وزیر اعظم عمران خان کی ہدایت پر ہم کورونا وائرس کے پھیلاؤ کو روکنے کے حوالہ سے اپنی بے لوث خدمات پیش کررہے ہیں عوام کو چاہیئے کہ وہ اپنی اور دوسروں کی زندگیاں محفوظ بنانے کے لئے جاری کردہ ہدایات پر عمل کر کے قومی ذمہ داری کا ثبوت دیں

ٹائیگر فورس کے میدان عمل میں آنے سے ناصرف حکومتی ایس او پیز پر عمل درآمد میں مدد ملے گی بلکہ عوام میں کورونا سے بچاؤ کا شعور بھی اجاگر ہوگا

وی این ایس، بورے والا