|
میانمار
، د سمندري طوفان په سوب بېړۍ كښې ناست ګڼ شمېر كسان بې دركه شو
ینګون ۔ 14مئی (اے پی پی) ميانمار كښې بېړۍ طوفان سره د ټكر كېدو په نتيجه
كښې ډوبه شوې او له امله ئې ګڼ شمېر كسان بې دركه شوي ۔ د ميډيا ذريعو له مخې بېړۍ
كښې ناست 200 مسلمانان روهنګيا څخه پاؤكټا ټاؤن شپ ښار پلو روان وو چې سخت طوفان
سره مخ شو۔ د راپور له مخې ګڼ كسان بچ كړے شوي دي ولې اوس هم يو لويه شمېره كسان
بې دركه دي۔ دا خبره دې ښكاره وي چې تېر كال راسې د ميانمار حالات خرابېدو په سوب
ډېر مسلمانان راكھني كښې په عارضي توګه په استوګنه كولو مجبور دي۔(وا/ګ ل/1935)
امريكائي
سفير رچرډ اولسن لاهور كښې نواز شریف، نجم سیټھی او د سول سوسائټۍ نمائندګانو سره
وليدل
لاهور۔ 14مئی (اے پی پی)امریکائي سفير رچرډ اولسن د نهې په ورځ د لاهور دورې
په مهال د پاكستان مسلم ليګ (ن) لارښود نواز شریف، د پنجاب نګران وزيراعلی نجم سیټھی
او د سول سوسائټۍ نمائندګانو سره ملاقات اوكړو۔ په دې مهال سفير د قامي او صوبائي
اسمبليو ټاكنو كښې په كاميابۍ ترلاسه كولو نواز شريف ته مباركي وركړه۔ ده په شريك
احترام او ګټو اډانه دوه اړخيزه اړيكو مضبوطولو له د امريكا د لوظ پخلې اوكړو۔ د
نهې په ورځ د امريكائي سفارت لخوا جاري بيان ترمخه اولس مشر اوبامه د مئي په 12 نېټه خپل بيان كښې وئيلي و "زه په
كاميابو پارلماني ټاكنو كولو پاكستاني اولس ته مباركي وركوم۔ د يو بل په مقابله
كښې د ټاكنو كمپائن كولو ٬ د جمهوري حق په آزاده توګه كارولو او د انتها خوښو لخوا
د ويرې ترخې چاپېرچل سره هم د مسقل مزاجۍ څرګندونه كولو سره تاسو د خپل لوظ پخلې
كړې۔ امريكا او پاكستان شريكو ګټو لپاره په ګډه د كار كولو يو لوئے تاريخ لري او
زما انتظاميه پاكستاني اولس له د يو زيات مستحكم ٬ محفوظ او سوكاله سباؤن لپاره د
ټاكنو په نتيجه كښې راتلونكي حكومت سره د
برابرۍ په كچه مرستې كولو ته سترګې په لار ده۔
المان
خارجه وزير پاكستان كښې جمهوري ټاكنې وستائلې
اسلام آباد ۔ 14مئی (اے پی پی) د المانيه خارجه وزير ګوئېډو وېسټرویل پاكستان
كښې د جمهوري ټاكنو هركلې كولو سره په دې مهال زيات ټرن آؤټ د ترهه ګرۍ په ضد او
جمهوريت په حق كښی يوه ښكاره او د ډاډ وړعلامت ګرځولے۔ ده باور ښكاره كړو چې
راتلونكې نوې قيادت به د اولس د هيلو او جذبو احترام اوكړي۔
د
خېبرپښتونخوا اولس لخوا پي ټي آئي ته د وركړے شوي مېنډېټ به احترام كولے شي۔جاوېد
هاشمي
اسلام آباد 14 مئی (اے پی پی)د
پاکستان تحریک انصاف مرکزی لارښود او د قامي اسمبلۍ نوے ټاكل شوي غړي جاوېد
هاشمي وئيلي دي چې د خېبرپښتونخوا اولس
لخوا پي ټي آئي ته د وركړې شوې مېنډېټ به احترام كولے شي۔دنهې په ورځ نجي ټي وي
سره په خبرو كښې ده ووئيل د صوبې بنيادي مسئله امن په ځائې كول دي۔ده ووئيل صوبه
كښې حكومت جوړولو له د جماعت اسلامي پشمول آزاد كانديدانو سره په تماس كښې يو۔د
يوې پوښتنې په ځواب ده ووئيل چې خېبر
پښتوانخوا كښې د ترهه ګرۍ روان جنګ مونږ د پاكستان نه بلكه د امريكې جنګ ګڼو او په
دې اړه به ټولو ډلو سره د خبرو اترو لار هواره كړو۔
پلاننګ
كميسون آف پاكستان مالي كال 13-2012 كښې بېلو پروژو له 170.7اربه روپۍ جاري كړې٬
پی اېس ډی پی له 233 اربه روپو كښې د
انفراسټركچر 247 منصوبو لپاره د 86.3 بېليونه او د سماجي پرمختګ 715 پروژو له 78.4
اربه روپۍ جاري كړې شوې
اسلام آباد ۔ 14مئی (اے پی پی) پلاننګ كميسون آف پاكستان مالي كال 13-2012
كښې بېلو پروژو له 170.7اربه روپۍ جاري كړې٬ پی اېس ډی پی له 233 اربه روپو كښې د انفراسټركچر 247 منصوبو
لپاره د 86.3 بېليونه او د سماجي پرمختګ 715 پروژو له 78.4 اربه روپۍ جاري كړې دي۔
د منصوبه بندۍ كمېسون د جاري شويو شمېرو له مخې د پي اېس ډي پي كال 13-2012 د
زلزله ځپليو سيمه بيا رغونۍ او بحالۍ ادارې ايرا ته 4.1 اربه روپۍ وركړې شوې او
نورو 77 پروژو له 1.9 اربه روپۍ جاري كړې شوې۔دا خبره دې ښكاره وي چې د لارو ګودرو
په 347 پروژو د لګښت تخمينه 2320.3 اربه روپۍ لګولے شوې په دې كښې د كال 13-2012
په بجټ كښې 211.1 اربه روپۍ بېل كړې شوې چې په كښې 85.6 اربه روپۍ غېرملكي مرسته
هم شامله ده۔د سماجي څانګه په 715 پروژو د لګښت تخمينه 554.4 اربه روپۍ لګولې شوې
چې په كښې 135.9 اربه روپۍ په بجټ كښې بېلې كړې شوې او په دې كښې 8.4 اربه غېرملكي
مرسته هم شامله ده۔ په نورو 77 پروژو د لګښت تخمينه 41.8 اربه روپۍ ده چې په كښې 3
اربه د مالي كال 13-2012 په بجټ كښې بېلې كړې شوې۔(وا/ګ ل/1935)
قامی اسمبلۍ كښې د مېرمنو په خاص 60 چوكو مسلم
ليګ ن ته د 34 پي ټي آئي ته 5 پي پي پي ته 8 او اېم كيو اېم ته 5 چوكۍ ترلاسه كېدو
امكان دے
اسلام آباد ۔ 14مئی (اے پی پی) قامی اسمبلۍ كښې د مېرمنو په خاص 60 چوكو
مسلم ليګ ن ته د34 پي ټي آئي ته 5 پي پي پي ته 8 او اېم كيو اېم ته د 5 چوكۍ
ترلاسه كېدو امكان دے۔د الېكشن كميسون ذريعو له مخې مسلم ليګ ن ته په پنجاب كښې په
35 چوكو كښې 32 ٬ خېبر پښتونخوا او بلوچستان كښې يو يو چوكۍ ترلاسه كېدو امكان
دے۔پيپپلز ګوند ته سندھ كښې د مېرمنو په خاص 14 چوكو كښې 8 اېم كيو اېم ته د 5
چوكو ترلاسه كېدو امكان دے۔تحريك انصاف ته په خېبرپښتونخوا كښې د 3 او پنجاب كښې د
2 چوكو ترلاسه كېدو امكان دے۔ مسلم لیګ (ق) ته پنجاب كښې ، مسلم لیګ (فنکشنل) ته
سندھ كښې ، جمعیت علماءاسلام (ف) ته او خېبرپښتوانخوا
كښې جماعت اسلامی او قومی وطن پارټۍ ته د
يو يو چوكۍ ترلاسه كېدو امكان دے۔بلوچستان پښتونخوا ملی عوامی ګوند ته د مېرمنو د
قامي اسمبلۍ د يو چوكۍ ترلاسه كېدو امكان دے۔ بلوچستان څخه جمعیت علماءاسلام (ف)
او نېشنل پارټۍ ته هم د يوې چوكۍ ترلاسه
كېدو امكان دے۔دا چوكۍ به د صوبائی اسمبلۍ د ټولو ترلاسه شويو چوكو په تناسب سره
خاص كولے شي۔
ټول
ټاكنو كښې د مېرمنو په عمومي چوكو خېبر
پښتونخوا كښې كومه مېرمن كانديدا نه ده كاميابه شوې
پېښور 14 مئي (اے پی پی ) ټول ټاكنو كښې د مېرمنو په عمومي چوكو خېبر پښتونخوا كښې كومه مېرمن كانديدا نه ده كاميابه
شوې۔ په ټول ټاكنو كښې د پيپلز ګوند شازيه اورنګزېب د قامي اسمبلۍ په اېن اے
9 مقابله كښې پخوانے اعلی وزير امير حېدر
خان هوتي ؤ۔ دغسې اين اے 14 كوهاټ كښې د اے اېن پي خورشيد بېګم ته هم د تحريك
انصاف كانديد شهريار اپريدي ماتے وركړې۔په اېن اے 4 پېښور كښې آزاد كانديدې انیله
شاهین ماتې خوړلې او اېن اے 44 باجوړ اېجنسۍ څخه مېرمنې كانديدې بادام زرې هم
ناكامه شوې۔هېواد كښې د قامي اسمبلۍ په 105 چوكو 147 مېرمنو خپل كاغذونه جمع كړې
وو او د 4 واړو صوبو په 203 چوكو 301 مېرمنې مېدان ته راوتې وې۔د كال 2008ء په ټول ټاكنو كښې يوازې 93 مېرمنو برخه
اخستې وه۔د كال 2002 په ټول ټاكنو كښې 60 مېرمنو ٬ 1997 په ټول ټاكنو كښې 35 د كال
1993 په ټاكنو كښې 14 او د 1990 په ټول ټاكنو كښې 12 مېرمنو كانديدانو برخه اخستې
وه
د صوبائې
اسمبلۍ نويو غړو هركلي له اسمبلي سېكټرېټ كښې تيارۍ پېل شوې
پېښور ۔14 مئی (اے پی پی
)د خېبر پښتونخوا اسمبلۍ سېكټرېت كښې نويو غړو ته هركلي وئيلو له چمتوالې پېل شوې
او په دې لړ كښې د اسمبلۍ د ودانۍ ښكلا او د صفائې كار روان دے۔ د قانون سازۍ دوهم
سېكترهدایت اللہ له مخې د نويو غړو هركلي له په باقاعده توګه د هركلي ځائې جوړ كړې
شوې۔د هركلي دفتر مقصد نويو غړو ته اسمبلۍ كښې آسانۍ وركول٬ په اېم پي اے هاسټل
كښې استوګنه وركول او د اسمبلۍ په ودانۍ كښې دننه د خېبر بانك سب برانچ كښې د
اكاٶنټس پرانستلو مرسته وركول دي او دې لپاره د قانون سازۍ دوهم سېكترهدایت اللہ فوكل
پرسن نامزد كړے شوے۔ ده ووئيل پارلماني خذماتو لپاره د اسمبلۍ سېكټرېټ پاكستان
مرستې سره به غړو ته د اسمبلۍ رولز او رېګولېشنز او د ائين د دفعاتو په اړه خبرتيا
وركول وي ۔
|
